| Sumario: | Telekomunikazio operadoreen hazkuntzarekin, bai operadore handiak, azpiegitura, antena eta irrati espektro propioak dituztenak, bai operadore birtualak zerbitzuak aurrekoei baliabideak alokatuz eskaintzen dituztenak, gaur egun, operadore asko daude azalera geografiko berean zerbitzuak ematen. Bakoitzak bere politika eta estrategia propioekin, bezeroei zein prezioei dagokionez. Gaur egungo merkatuan, operadore guztiak elkarrekin lehiatzen dute ahalik eta bezero kopuru handiena lortzeko asmotan eduki dezaketen errekurtso muga kontuan hartu gabe. Bezero bat operadorearen estaldura eremuan sartzen denean, automatikoki beharrezko baliabideak erreserbatzen dira berarentzat eta konexioa uneoro mantentzen da nahiz eta erabilera konstantea ez izan. Proiektu honetan, dispositibo edo gailuen konexio modu berri bat aurkezten da: operadoreak hasitako tethering-a. Tethering-a, errekurtsoen banaketa estrategia bat da, zeinak dispositibo bat tarte nodo bezala funtzionatzea ahalbidetzen duen. Modu honetan, operadoreak kudeatuta gailu bakarrarentzat errekurtso erreserba egin daiteke nahiz eta gehiago zerbitzatu. Gainera, content catching mekanismoak gehituta, tarteko dispositiboak cache bezala erabiltzea ahalbidetu dezake sareko edukiak bezeroengana hurbilduz. Proiektu honetan operadoreek euren artean aplikatzen dituzten erlazio-politika ezberdinen efektua aztertzen da, operadoreak izango dituen irabazietan eta tethering konexioen eraginez erabiltzaileak jasandako kalitate murrizketan. Politika hauek sortutako sarea eta emaitzak baldintzatzen dituzte, aztertutako bi parametroetan. Koalizio eta konpetentzia erlazioak zehaztuko dira hauei zuzenean erlazionatutako eta optimizazio multiobjetibo algoritmo baten bidez, Harmony Search, lortutako pareto-optimoak diren sare topologia ezberdinak proposatuko dira.
|
|---|
