Prevención do dó complicado en adultos/as maiores mediante as novas tecnoloxías: Podcast CoñecenDó
A proposta de intervención Podcast CoñecenDó xustifícase no crecente envellecemento da poboación e retos asociados, entre eles, a xestión do dó. O dó defínese como un proceso subxectivo e multidimensional de dor ante a perda, que pode ser relacional, interpersoal, material ou evolutiva. Pode manifes...
| Autor: | |
|---|---|
| Tipo de recurso: | tesis de maestría |
| Fecha de publicación: | 2024 |
| País: | España |
| Institución: | Universidad de Santiago de Compostela (USC) |
| Repositorio: | Minerva. Repositorio Institucional de la Universidad de Santiago de Compostela |
| Idioma: | gallego |
| OAI Identifier: | oai:minerva.usc.gal:10347/37819 |
| Acceso en línea: | https://hdl.handle.net/10347/37819 |
| Access Level: | acceso abierto |
| Palabra clave: | Dó complicado Adultos/as maiores Podcast Novas tecnoloxías Prevención Duelo complicado Adultos/as mayores Nuevas tecnologías Complicated grief Old adults New technologies Prevention |
| Sumario: | A proposta de intervención Podcast CoñecenDó xustifícase no crecente envellecemento da poboación e retos asociados, entre eles, a xestión do dó. O dó defínese como un proceso subxectivo e multidimensional de dor ante a perda, que pode ser relacional, interpersoal, material ou evolutiva. Pode manifestarse con síntomas físicos, emocionais, cognitivos e/ou condutuais. Consiste nunha reacción normal ante a perda, mais existen diferentes tipos, algúns deles presentan patróns desadaptativos que afectan significativamente ao funcionamento diario (dó complicado). A intervención con adultos/as maiores en dó debe considerar as características específicas desta poboación que conta cunha experiencia acumulada de perdas. Isto fai que se dominen un maior número de estratexias de afrontamento; pero tamén que se vexan diminuídos os recursos de apoio, debido á perda de persoas significativas. Neste contexto, a psicoeducación ten un papel importante na prevención de complicacións relacionadas coa xestión do dó. As novas tecnoloxías proporcionan ferramentas que pode contribuír nesta tarefa de prevención, pois amosaron ter beneficios para a inclusión social, o mantemento dun rol activo, o fomento da autonomía e o sentimento de utilidade. O obxectivo principal deste traballo foi deseñar unha proposta de prevención do dó complicado en adultos/as maiores, utilizando as TIC. O recurso tecnolóxico seleccionado como ferramenta educativa foi o podcast. Esta proposta está deseñada para desenvolverse en ATEGAL e diríxese ao alumnado que teña interese na temática. Consta de oito sesións e unha avaliación cualitativa elaborada ad hoc. Espérase que as persoas que asistan reciban información útil sobre o dó, aumentando os seus coñecementos e adquirindo estratexias e recursos para afrontalo. Ademais, preténdese facilitar a creación dunha rede de apoio á vez que se fomenta a autonomía dixital dos/as asistentes. Porén, presenta limitacións como ausencia de familiaridade coa tecnoloxía, barreiras emocionais dos/as participantes, omisión de aspectos relevantes do dó ou falta dun grupo control |
|---|