| Summary: | Johan de Requeixo é un dos autores máis descoñecidos da nosa lírica medieval. A súa condición de xograr e o escaso corpus preservado fan que este singular personaxe sexa xeralmente esquecido. Debido á nosa especialización curricular, realizamos unha divulgación literaria, complementada co rigor filolóxico, na que nos achegamos aos mínimos datos biográficos do autor que están ao alcance dos investigadores. Así mesmo, analizamos dende o punto de vista temático e formal as súas cantigas, clasificándoas dentro da tipoloxía xenérica á que pertencen e explicando as súas singularidades e diferenzas. Todos os textos conservados do xograr se encadran nas cantigas de romaría, unha modalidade textual pertencente ás cantigas de amigo que se caracteriza polas mencións a un santuario. No corpus do noso autor, este templo será sempre a ermida do Faro, onde terá lugar o encontro amoroso dos protagonistas das composiciones.
|
|---|
